Բարան բո Օդար

Բարան բո Օդար
Բարան բո Օդար
Ծննդյան թիվ՝	ապրիլի 18, 1978 (46 տարեկան)
Ծննդավայր՝	Օլտեն, Olten-Gösgen, Զոլոտուրն
Քաղաքացիություն՝	Գերմանիա
Մասնագիտություն՝	կինոռեժիսոր, սցենարիստ և կինոսցենարիստ
IMDb։	ID 2171633
baranboodar.com

Բարան բո Օդար (գերմ.՝ Baran bo Odar, ապրիլի 18, 1978(1978-04-18)^[1]^[2]^[3], Օլտեն, Olten-Gösgen, Զոլոտուրն), շվեդ ռեժիսոր և սցենարիստ։ Առավել հայտնի է դարձել «Ով եմ ես» ֆիլմի շնորհիվ, որը հասել է գերմանական կինեմատոգրաֆիայի չարթերի բարձունքին^[4]։ Նրա 2017 թվականին թողարկված «Խավար» սերիալը հանրաճանաչություն է ձեռք բերել աշխարհում և դարձել է Նեթֆլիքսի առաջին բնօրինակ գերմաներեն սերիալը։

Կենսագրություն

Բարան բո Օդարը ծնվել է Շվեյցարիայում, նրա հայրը Շվեյցարիայում աշխատել է որպես ատոմային արդյունաբերության քիմիկոս^[5]։ Մանկությունն ու պատանեկությունն անցկացրել է Էրլանգենում, որտեղ սովորել է Ալբերտ Շվեցերի վարժարանում։

Ավելի ուշ՝ 1998-2006 թվականներին, սովորել է Մյունխենի հեռուստատեսության և կինոյի քոլեջում, որտեղ ծանոթացել է Յանտյե Ֆրիզեի հետ։ «Փայլ» և «Արևի տակ» ֆիլմերը ցուցադրվել են Բեռլինի կինոփառատոնում, իսկ «Արևի տակ» ֆիլմը նաև առաջադրվել է Max Ophüls մրցանակի 2006 թվականին։

Ուսումն ավարտելուց հետո Օդարը զբաղվել է գովազդային հոլովակների, երաժշտական տեսահոլովակների և կարճամետրաժ ֆիլմերի արտադրությամբ։ 2010 թվականին կինոյում նրա դեբյուտը դարձել է «Լռություն» ֆիլմը, որն առաջին անգամ ցուցադրվել է Լոկառնոյի կինոփառատոնում՝ Պիացցա Գրանդեի հրապարակում։ Ֆիլմի հայտնի դառնալուց հետո «Variety» ամսագիրը Բարանին ընդգրկել է այն ռեժիսորների ցուցակում, որոնց «ֆիլմերը արժե դիտել»^[6]։

«Ով եմ ես» ֆիլմը դարձել է հիթ և գրավել է Հոլիվուդի ուշադրությունը, Warner Bros. կինոընկերությունը ձեռք է բերել ֆիլմի ռիմեյքի իրավունքները։

2017 թվականի հունվարի 12-ին ԱՄՆ-ում տեղի է ունեցել Օդարի առաջին ամերիկյան «Անքուն գիշեր» ֆիլմի պրեմիերան։ Այդ ֆիլմից հետո նա սկսել է աշխատել «Խավար» սերիալի վրա, որը դարձել է Նեթֆլիքսի առաջին բնօրինակ գերմաներեն սերիալը։

Անձնական կյանք

Բարան բո Օդարը ապրում է Բեռլինում իր կնոջ՝ Յանտյե Ֆրիզեի հետ, ունեն դուստր։

Ծանոթագրություններ

↑ ^1,0 ^1,1 filmportal.de — 2005.
↑ ^2,0 ^2,1 MAK (польск.)
↑ ^3,0 ^3,1 Munzinger Personen (գերմ.)
↑ «Kinocharts Deutschland: Doppelspitze Sony». Արխիվացված է օրիգինալից 2021 թ․ մայիսի 20-ին. Վերցված է 2020 թ․ հուլիսի 16-ին.
↑ "Ich war schon als Kind skeptisch gegenüber den Menschen" (Интервью) — Die Zeit
↑ Variety announces Directors to Watch

Վիքիպահեստն ունի նյութեր, որոնք վերաբերում են «Բարան բո Օդար» հոդվածին։

[_dc749188ea72ac67-1] 1,0 ^1,1 filmportal.de — 2005.

[_c4c5d373fb5d9d70-2] 2,0 ^2,1 MAK (польск.)

[_3a126f21b097f08f-3] 3,0 ^3,1 Munzinger Personen (գերմ.)

[4] «Kinocharts Deutschland: Doppelspitze Sony». Արխիվացված է օրիգինալից 2021 թ․ մայիսի 20-ին. Վերցված է 2020 թ․ հուլիսի 16-ին.

[5] "Ich war schon als Kind skeptisch gegenüber den Menschen" (Интервью) — Die Zeit

[6] Variety announces Directors to Watch

[1]

[2]

[3]

[4]

[5]

[6]